Küçədə satılan ət məhsulları hansı FƏSADLAR YARADIR? - AÇIQLAMA

Yayın gəlişi və havanın temperaturunun yüksəlməsi ilə açıq havada qidalar, o cümlədən ət məhsulları insan orqanizmində müəyyən fəsadlar yaradır. Bəzi mikroorqanizmlər məhsulun tərkibində və görünüşündə heç bir fərq yaratmadan sadəcə saxlama şəraiti, satış şərtləri və düzgün olmayan gigiyena şərtləri səbəbindən qida zəhərlənməsinə səbəb ola bilər. Ölkəmizdə bu tip küçə ticarətinə rast gəlmişik. Bəs bunun qarşısını necə qalaq? Bu məhsullar insan orqanizmində hansı fəsadlara səbəb ola bilər?

Mövzu ilə bağlı onkoloq-həkim, tibb elmləri doktoru, professor Adil Qeybulla Sonxeber.az-a açıqlama verib:

"Bu gün Azərbaycanda qida maddələrinin istehsalından tutmuş idxalı, istehlakı və digər proseslərə AQTA nəzarət edir. Küçə ticarətinə, xüsusilə ərzaq məhsulları ilə bağlı qaydaları onlar müəyyənləşdirir. Çünki müxtəlif içkilər, qidalar günəş şüaları altında və rütubətli yerlərdə satışda olub-olmaması məsələsi ciddi məsələdir. Rusiyada küçə ticarəti çox məhdud şəkildədir. Orada hər şey qayda-qanun ilə mağazalarda satılır. Amma başqa ölkələrdə bu tendensiya fərqlidir. Xüsusilə Asiya ölkələrini biz buraya aid edə bilərik. Burada küçə ticarəti geniş yayılıb. Qarabağdan məcburi köçkün düşmüş soydaşlarımız üçün qazanc baxımından küçə ticarətinə göz yumulurdu. Bu məsələləri qaydaya salmaq lazımdır. Ət məhsulları tez xarab olan qidalardır. Biz Avropaya inteqrasiya edirik. Küçə ticarətində satılmış ət məhsulları orqanizmdə ciddi zəhərlənmələrə, o cümlədən insan tələfatına səbəb ola bilər. Bu baxımdan satış ilə bağlı konkret qaydalar müəyyənləşdirilməlidir".

Telegramda izləyin