Avtoxuliqanlıq edən sürücülər haqqında hansı TƏDBİR GÖRÜLÜR? - AÇIQLAMA

Şəhər yollarında, küçələrdə sürücülər avtomobilləri ilə piyadaların həyatını təhlükə törədə biləcək qayda pozuntuları edirlər. O cümlədən paytaxtda "drift" şousu edənlərlə də rastlaşmışıq. Bu baxımdan həmin sürücülər və avtoxuliqanlar haqqında hansı tədbirlər görülməlidir?

Mövzu ilə bağlı hüquqşünas Şamil paşayev Sonxeber.az-a açıqlamasında bildirib ki, biz burada avtoxuliqanın kim olduğuna baxmalıyıq. Sürücünün avtoxuliqan olması üçün 3 hal lazımdır:

1. İlk olaraq 2-3 maşınla sürət yarışı keçirilməlidir.

2. Maşın iki təkər üzərində yaxud təkəri biri havada olmaqla idarə olunmalıdır.

3. Son olaraq tormozlanma nəticəsində maşının təkərlərinin izi yerdə qamalıdır.

Bu sadalananlardan başqa, sürücü sürət həddini aşırsa yaxud maşını sağ tərəfdən ötürürsə, bu amillər avtoxuliqanlıq deyil. Bir məsələni nəzərə almaq lazmdır ki, sürücünü, avtomaşını cərimə meydançasına aparmaq olmaz. Sürücüyə verilən inzibati tənbeh isə nəqliyyat vasitəsini idarə etmək hüququ bir il müddətinə məhdudlaşdırılmaqla beş yüz manatdan yeddi yüz əlli manatadək məbləğdə cərimə edilir. Eyni zamanda nəqliyyat vasitəsini idarə etmək hüququ bir il müddətinə məhdudlaşdırılmaqla işin hallarına görə, pozuntunu törədənin şəxsiyyəti nəzərə alınmaqla, on beş gündən bir ayadək müddətə inzibati həbs tətbiq olunur.

Telegramda izləyin

instagramda izləyin