Ailə başçısını itirənlər dövlət tərəfindən mənzillə təmin edilə bilər? -AÇIQLAMA

Bu gün ən çox edilən təkliflərdən biri vətəndaşların mənzillə təmin edilməsi və münasib qiymətə ipoteka kreditindən yararlanmalarıdır. Məlum olduğu kimi, Azərbaycanda ailə başçısını itirmiçş ailələrə həmin şəxsin pensiyası verilir. Bəs sözügedən kateqoriyaya mənsub şəxslər sosial təminatıın yaxşılaşdırılması ilə bağlı dövlət tərəfindən mənzillə təmin edilə bilər?

Mövzu ilə bağlı əmlak məsələləri üzrə ekspert Ramil Osmanlı Sonxeber.az-a açıqlama verib:

"Azərbaycanda ailə başçısını itirməyə görə ailənin mənzil təminatı ilə bağlı hər hansı bir sosial proqram icra olunmur. Bununla bağlı heç dövlət proqramında belə hər hansı məlumata rast gəlinməyib. Eyni zamanda qanunvericilikdə aztəminatlı ailələrin yaxud ailə başçısını itirmiş ailənin dövlət tərəfindən mənzil təminatı ilə bağlı müddəa yoxdur. Ayrı-ayrı dövlət qurumları öz əməkdaşları üçün belə bir şərait yarada bilir. Arada belə istisna hallar olur. Amma oda sırf dövlət qurumu və onun vəsaiti hesabına keçirilən layihələrdir. Orada təbii ki, əməkdaşın işlədiyi kollektivdə fəaliyyəti qiymətləndirilir. Daha sonra isə bu addımlar atıla bilər. Lakin bu tam əvəzsiz şəkildə edilmir. Mənzilin azda olsa müəyyən ödənişi tələb edilir. Qalan hissəsini isə dövlət qurumu özü həyata keçirir. Belə məsələlər var. Amma qanunvericilikdə sözügedən məsələnin həlli istiqamətində hər hansı bir müddəa mövcud və gündəmdə müzakirə olunmur".

Sevda Səfərova

Telegramda izləyin