"Bunu mənə atamın babası verib" - 60 ili saatlar arasında keçən ömür - VİDEO

Zəmanəmizdə elə bir adam yoxdur ki, harasa tələsməsin. Bu tələskənlikdəndir ki, tez-tez gözümüz saatımızda olur. Kimi telefonda, kimi isə qol saatına nəzarət etməyə çalışır. Saatını saz saxlamaq istəyən hər kəs yolunu bir dəfə də olsa saatsaz dükanına salır. Şirvandan olan saatsaz Adil Əliyev saatlarını saz saxlamaq istəyənlərin üz tutduğu ustalardandır.

Sonxeber.az xəbər verir ki, saatsaz Adil Əliyev "Apa TV"yə deyib ki, o bu sənətə 12 yaşından başlayıb:

"65-ci ildən bu işlə məşğulam. Həvəsim olduğuna görə 3 ay sonra sərbəst işləməyə başladım. Artıq başa düşdüm ki, işin gedişatı necə olur. Məktəbi qurtarandan sonra məni şagird olaraq qəbul etdilər. 6 ay sonra isə usta kimi qəbul etdilər".

Adil usta mexaniki saatlar ilə yanaşı, elektron saatlara həyat verərək sahiblərinə qaytarır. O bildirib ki, hər növ saatı düzəltmək asandır. Əsas odur ki, işin özünü biləsən. 73 yaşlı ustanın düzəltdiyi ən bahalı saat briliant qaşlı 16 min manatlıq saat olub. Adil Əliyev deyib ki, kimi yeni aldığı saatın arxasına yazı yazdırmaq üçün gəlir, kimi isə atadan qalan yadigara həyat vermək üçün:

Ətraflı "Apa TV"nin süjetində:

Telegramda izləyin