Ermənistandan qaçdığı deyilən Xocalı qatili Robert Köçəryan Azərbaycana təhvil verilə bilər? - AÇIQLAMA

Ermənistan mətbuatında Robert Köçəryanın ölkəni tərk etdiyinə dair məlumatlar yayılıb. Yayılan informasiyalarda bildirilir ki, Robert Köçəryan Ermənistanı tərk edib və Almaniyada yaşayır. Bəs sözügedən iddialar nə dərəcədə doğrudur. Robert Köçəryan ölkəni tərk edibsə Azərbaycana təhvil veriləcək?

Mövzu ilə bağlı danışan siyasi şərhçi Asif Nərimanlı Sonxeber.az-a deyib ki, Robert Köçəryanın Erməni tərk etməsi ilə bağlı məlumat öz təsdiqini tapmadı. Belə bir informasiya gedib. Amma Köçəryanın siyasi karyerasının tədricən başa çatdığını və buna hazırlaşdığının proqnozunu vermək olar:

"Çünki Robert Köçəryan oğlu Levon Köçəryanı siyasi lider kimi önə çəkməyə çalışır. Hansı ki, özünün rəhbəri olduğu fraksiyasının rəhbəri təyin etmək bağlı addımlar atır. Köçəryanın həbs edilməməsi üçün onu parlamentə gətirdilər. Bu həmin ona toxunulmazlıq hüququna verilməsi və həbs edilməsinin qarşısının alınmasına hesablanmışdı. Levonun atasının siyasətini davam etdirəcəyi və siyasi lider olacağı ilə bağlı gözləntilər var. Levon Köçəryanın siyasi aktivliyi və açıqlamalarına diqqət yetirsək, görünür atası arxa plana keçib və oğlu bu isə namizəd seçilib. Bu baxımdan Robert Köçəryanın Avropaya səfər etməsi siyasi baxımdan əhəmiyyət daşımır. İstisna olaraq buna ölkəni tərk edəcəyi və müvəqqəti uzaqlaşması daxildir".

Siyasi şərhçi bildirib ki, bizi maraqlandıran məsələ isə Robert Köçəryan ölkəni tərk edəcəyi təqdirdə onun həbs edilməsidir. Digər tərəfdən olduğu ölkədə bu şəxsin Azərbaycana təhvil verilməsini bizə zaman göstərəcək. Burada ilk olaraq Köçəryanın səfər edəcəyi ölkəyə baxmaq lazımdır:

" Köçəryan və Sarkisyan digər aşağı fiqurlardan biri olaraq Ermənistanın prezidenti olublar. Bu şəxslərin həbs edilməsi və təhvil verilməsi regionda siyasi rezonans doğuran bir məsələdir. Ona görə burada bir sıra məqama baxmaq lazımdır. Onların səfər edəcək ölkələr hansı olacaq və kimlər təhvil verə bilər. Bunlar əsas məsələlərdir. Rusiya böyük ehtimalla bunu etməyəcək. O cümlədən Avropa ölkələrində bilirik ki, erməni diasporu var. Oradakı erməni daşnaklar buna qarşı çıxacaqlar. Fikrimcə Azərbaycan tərəfi bu hədəfi dəyişmir. Əslində biz heç vaxt düşünməzdik ki, bu gün təcridxanada olan separatçılar nə vaxtsa həbs olunacaq. Proses göstərir ki, bunu etmək mümkündür və rəsmi Bakı buna nail olub. Bunu edə bilmişiksə nə vaxtsa Köçəryan və Sarkisyan, o cümlədən digər Xocalı qatilləri həbs edilməsi, Azərbaycana gətirilməsi mümkün variantdır. Bunu əsla istisna etmək olmaz. Bu o deməkdir ki, Azərbaycanın hədəfi var və bu hədəfdən yayınmayacaq. İndiki halda çətin görünsə belə, nə vaxtsa bu mütləq baş verəcək".

Sevda Səfərova

Telegramda izləyin