Bir qrup qəssab ət kəsiminin fəaliyyətindən narazıdır - VİDEO

Bir qrup qəssab ət kəsiminin məntəqələrindən narazıdır. Şəmkir rayonunun Zəyəm qəsəbəsində ət satışı ilə məşğul olan sahibkarlar kəsim məntəqələrində təşkil olunan baytarlıq ekspertizasının qanunvericiliyin tələblərinə uyğun olmadığını deyirlər. Onların sözlərinə görə, məntəqələrdə kəsilən heyvanlara gözəyarı baxış keçirilir.

Sonxeber.az xəbər verir ki, sözügedən sahibkarlar "Xəzər Xəbər"ə açıqlama verib:

"Məntəqələrə gedib 15 manat pul veririk. Həkim gəlir və heç bir laborator analiz aparmadan möhür vurur. Ətimizi təmiz deyə qeyd edirlər. Amma ki, oraya getməyib burada camaatın gözü qabağında əti kəsəndə gəlib bizə bir sıra iradlar bildirirlər. Deyirlər ki, niyə gəlib 15 manat verməmisiniz. Biz indi sizə 500-1000 manat arası cərimə tətbiq edəcəyik".

Ət satanlar hər şeyin qayda-qanun ilə aparılmasının tərəfdarıdırlar. Haqlı olaraq nəzarət tələb edirlər.

Ətraflı "Xəzər Xəbər"in süjetində:

Telegramda izləyin