Taksi fəaliyyəti üçün istehsal tarixi az olan avtomobillərin qiyməti neçədən başlayır? - VİDEO

Yeni qaydalara əsasən iyulun 1-dən sonra taksi fəaliyyətinə icazə almaq üçün avtomobilin buraxılış tarixindən 8 ildən çox müddət keçməməlidir. Bəs həmin istehsal tarixi olan avtomobillərin qiyməti neçədən başlayır? Sözügedən məbləğ taksi sürücülərinə nə qədər əlçatandır?

Sonxeber.az xəbər verir k, avtomobil bazarları üzrə qiymətləndirici Sərxan Qədirov "Xəzər Xəbər"ə açıqlama verib. O deyir ki, sözügedən qaydalardan sonra yeni avtomobillərin ölkəyə idxalında canlanma var. İstehsal tarixi 8 ildən az olan nəqliyyat vasitələrinin qiyməti isə 20 min manatdan başlayır:

"Əsasən bu avtomobillər Azərbaycana ərəb ölkələrindən və Dubayda oynanılan auksionlardan gəlir. Minimum 20 min manatdan başlayır və qiymətlər dəyişir. Əvvəlki avtomobillərin qiyməti 10-15 min civarında idisə, artıq taksi fəaliyyəti ilə məşğul olmaq istəyən şəxs üzərinə 10 min manat artıq pul qoymalıdır ki, yeni avtomobil alsın".

Ekspertin sözlərinə görə, taksi parkının qısa müddətdə yenilənməsi sürücülər üçün müəyyən çətinliklər yarada bilər. Çünki yeni avtomobillərin istehsal tarixi az olsa da ikinci əl olacaq.

"Sükanları sağdan sola keçən avtomobillər hibrid ilə işləyən avtomobillərdir. Bəzi hallarda Dubayda fəaliyyət göstərən avtomobillər var ki, onların yürüşü geri çəkilib".

Ətraflı "Xəzər Xəbər"in süjetində:

Telegramda izləyin