Ermənistana ayrılan maliyyə vəsaiti hansı məqsələr üçün istifadə olunacaq? - AÇIQLAMA

Məlum olduğu kimi, Brüsseldə Aİ-ABŞ-Ermənistan üçtərəfli görüşü keçirilib. Görüşdə bildirilib ki, Avropa İttifaqı və ABŞ Ermənistan hökumətinin islahatlarını dəstəkləyir. Bu baxımdan Aİ Ermənistana 270 milyon avro, ABŞ isə 65 milyon dollar yardım ayıracaq. Xüsusilə ABŞ-nin Ermənistana ayırdığı vəsait iki il əvvəllə müqayisədə daha çoxdur. Ermənistana ayrılan bu qədər maliyyə vəsaiti hansı məqsədlər üçün istifadə ediləcək?

Mövzu ilə bağlı Sonxeber.az-a danışan hərbi ekspert Emin Həsənli bildirib ki, bir çox dövlətlər bəzən hərbi silah-sursat alanda onu gizlədir. Bunu maksimum məxfi surətdə saxlayırlar:

"Silaha yardım edən ölkələr onu iqtisadi-humanitar yardım və islahatlar adı altında maliyyəni göndərirlər. Yəni birbaşa hərbi avadanlıq almaq üçün göndərdiklərini demirlər. Bu gün Ermənistana verilən bu qədər vəsaitə kim nəzarət edəcək? Maliyyəni ayıran ölkə və təşkilat hərbi məqsəd üçün veribsə, buna göz yumacaq. Alan ölkə isə məlum məqsədlər üçün xərcləyəcək. Ermənistan 44 günlük Vətən müharibəsində itirdiklərini qaytarmaq üçün müxtəlif variantlardan istifadə edir. Rusiyadan çox Amerika, Fransa, Hindistan və Avropa silahlarına meyl edir. Artıq bu ölkələrdən yardımlar dilənir. Bu gün Ermənistan vaxtilə Rusiyadan aldığı Avropadan alır. Azərbaycan dövləti prosesləri yaxından izləyir və təhlillər aparır. Ölkəmizin güclü ordusu var. Bu gün ordunun gücləndirilməsinə olan vəsait günü-gündən artır. Ordumuz hər keçən gün güclənir və bunu heç kim gizlətmir".

Xatırladaq ki, görüşdən iki gün öncə bu görüşün iştirakçısı, ABŞ dövlət katibi Entoni Blinken Azərbaycan Prezidenti İlham Əliyevə zəng edib. Dövlət katibi 5 aprel görüşünün Azərbaycana qarşı olmadığını iddia edərək, sözügedən görüşün əsas mahiyyətinin Ermənistanın iqtisadi inkişafı məsələlərinin təşkil edəcəyini bildirib.

Sevda Səfərova

Telegramda izləyin