Bakıda şirkət vətəndaşlara Avropada iş vəd edərək aldadır? – İDDİA+VİDEO

Kimi 2500, kimi isə 3000 və daha çox məbləğdə pul ödəyib. Lakin heç bir işlə təmir edilməyiblər.

Sonxeber.az xəbər verir ki, bu barədə iddianı "Xəzər Xəbər"ə müraciət edən onlarla şəxs səsləndirib. Onların iddialarına görə Avropa ölkələrində işlə təmin edilmək üçün Bakıda fəaliyyət göstərən "Avion" adlı şirkətə minlərlə manat pul ödəyiblər".

"Şirkətin nömrəsini instaqramdan götürdük. Orada göstərilmişdi ki, müraciət edənlər Avropada işlə təmin edilir. Getməyə, bilet pullarını onlar qarşılamalı idi. 2500 manat pul lazım olduğunu dedilər. Bizdə pulu gətirib verdik.

2022-ci ilin avqust ayında müraciət etmişəm. Polşadan Almaniyaya getməyə söz verdilər və müqavilədə var. Məndən üst-üstə 1750 manat aldılar. 300 manatını qaytarıblar".

Zərərçəkənlərin bir qismi ödədikləri məbləğin bir qismini ala bilsələr də, əksər şəxslərin ödənişləri isə geri qaytarılmayıb:

"Mənə Polşa səfirliyindən Almaniyada işlə təmin etməli idilər. Artıq üzərindən 8 ay keçib. Mənə demişdilər ki, 3-6 ay ərzində səni Avropaya göndərəcəyik. Aylar keçdi. Amma nə pulumu qaytarırlar, nə də başqa bir şey edirlər. Deyirlər ki, səbirli olun vizanız həll olunacaq".

Ətraflı "Xəzər Xəbər"in süjetində:

Telegramda izləyin