Etibarnamə ilə ev alsanız bu hallar baş VERƏ BİLƏR! - EKSPERTDƏN XƏBƏRDARLIQ
Bəzi vətəndaşlar gələcək riskləri nəzərə almadan etibarnamə ilə torpaq alaraq ev inşa etdirirlər.
Sonxeber.az verir ki, məsələ ilə bağlı əmlak məsələləri üzrə ekspert Elnur Fərzəliyev "Xəzər Xəbər"ə açıqlama verib. O bildirib ki, etibarnamə ilə ev tikdirən vətəndaşlar diqqətli olmalıdır. Bu sənəd heç bir halda torpaq sahəsinin onu alan şəxsin mülkiyyətinə keçməsinə təsdiqləyə bilməz.
"Əksər hallarda torpağı satan şəxs etibarnamə versə də, həyat yoldaşı ailə üzvlərinin razılığı olmadığına görə, həmin etibarnamə ləğv olunan zaman həmin torpağın keçmiş sahibinin ailə üzvləri tərəfindən torpaq üzrə iddiaları ola bilir. Bir etibarnamə verilirsə, etibarnaməni verən şəxs dünyadan köçərsə, sözügedən etibarnamə və digər prosedurlar öz hökmünü itirir. Bundan əlavə etibarnamə verən şəxs istənilən zaman həmin sənədi notarial qaydada ləğv edə bilər".
Ekspert deyib ki, gələcəkdə etibarnamə ilə satılan torpaqlar ilə bağlı ciddi problemlər ortaya çıxa bilər. Sərəncam üzərindən ikinci bir alqı-satqı mexanizmi qurulmayıb. Buna görə də vətəndaş gedib bir sərəncamı digər şəxsin adına keçirə bilmir.
Ətraflı "Xəzər Xəbər"in süjetində:
Sonxeber.az Telegramda izləyin instagramda izləyin
Şikayətiniz varsa Whatsapp: 051 7028255
Facebookda Paylaş