Qəbul imtahanlarında olan bu fənlər LƏĞV OLUNUR?- VACİB AÇIQLAMA
Bu gün Azərbaycanda tətbiq edilən imtahan modeli ilə bağlı ciddi narazılıqlar var. Bu baxımdan şagirdlər və abituriyentlər bütün vaxtlarını həmin imtahanlara hazırlaşmaqla keçirirlər. Bu bu baxımdan ali təhsil müəssisələrinə keçirilən qəbul imtahanlarında hansı fənlər ləğv oluna bilər?
Mövzu ilə bağlı Sonxeber.az-a danışan təhsil məsələləri üzrə ekspert Kamran Əsədov deyib ki, Azərbaycan müstəqilliyi əldə etdikdən sonra, ali təhsil müəssisələrinə qəbul imtahanları test üsulu vasitəsilə həyata keçirilir:
"Etiraf edək ki, son illər dünyada, elm və texnologiyada əldə edilən irəliləyişlər onu göstərir ki, imtahanlar sadələşməlidir. Ümumiyyətlə Azərbaycan ali təhsil müəssisələrinə qəbul olmaq çox çətindir. Bizim abituriyentlərimiz, şagirdlərimiz bütün güclərini ali təhsil müəssisələrinin qəbul imtahanlarına sərf etdiyinə görə, universitetə daxil olduqdan sonra oxumaqda maraqlı olmurlar. Bu ciddi bir problemdir. Bu gün Azərbaycanda minimum kənd təsərrüfatı yaxud mühəndislik ixtisaslarına qəbul olmaq üçün ağır fizikanı, kimyanı, riyaziyyatı oxumalıdır. İmtahanlar sadələşdirilməlidir".
Ekspertin sözlərinə görə, xüsusən ikinci ixtisas qrupunda tarix fənninə ehtiyac yoxdur. İkinci ixtisas qrupunda yalnız riyaziyyat və coğrafiya fənləri qalmalıdır:
"Üçüncü ixtisas qrupunda fənlər istiqamətlənib. Buna da davam edilməlidir. Ümumiyyətlə imtahan modelləri ağırdır. İlk olaraq iki mərhələli imtahanlar dönəmindəyik. Dördüncü ixtisas qrupunda imtahan verən şəxslər riyaziyyat, Azərbaycan dili və xarici dil, ikinci mərhələdə isə üç fərqli fənlərdən imtahan verirlər. Hesab edirəm ki, dördüncü ixtisas qrupuna gedənlər yalnız fizika, kimya və biologiyadan imtahan verməlidir. Onların birinci mərhələdə verdikləri imtahana birmənalı şəkildə ehtiyac yoxdur. İkinci ixtisas qrupunda bir-birinə əks olan kifayət qədər ixtisaslar var. O ixtisaslar üçün bu qədər fəndən imtahan verməyə ehtiyac yoxdur. Kimsə kimya mühəndisi olmaq istəyirsə, ancaq kimyadan versin. Onun fizikadan imtahan verməyinə ehtiyac yoxdur. Orta məktəblərdə həmin fənlər tədris olunur. Ümumiyyətlə mövcud imtahan qaydalarımız çox çətindir. Yəni biz qaydaları sadələşdirməli, əlçatanlığı təmin etməliyik. Hal-hazırda olan imtahanlar birmənalı şəkildə çətindir".
Sevda Səfərova
Sonxeber.az
![](/images/telegram_24.png)
![](/images/instagram_24.png)
Şikayətiniz varsa Whatsapp: 051 7028255
Facebookda Paylaş