Azərbaycanda evli qadınlar üçün iş saatı 8-dən 4-ə ENDİRİLİR? - AÇIQLAMA

Parlamentin bugünkü plenar iclasında deputat Tahir Rzayev qadınların iş saatı ilə bağlı məsələdə dəyişikliklə bağlı çıxış edib. Deputat təklif edib ki, qadınların iş saatının azaldılması məsələsi qanunvericiliyə salınsın. Azərbaycanda qadınların iş saatı 8-dən 2-ə endirilə bilər?

Mövzu ilə bağlı Sonxeber.az-a danışan sosioloq Mətanət Məmmədova deyib ki, bu çox gözəl təklifdir. Bu təklif qadınlara və onların hüquqlarına verilən dəyərdir:

"Bir neçə gün əvvəl işləyən qadınların çətinliyi ilə əlaqədar iş saatının 8 saatdan 4 saata endirilməsinin təklif etmişdim. İş saatından onlar evə gedirlər. Ev onlar üçün ikinci iş yerləridir. 8 saatlıq işdən sonra evə gedirlər və bazarlıq, o cümlədən uşaqları bağçaya aparmaq qadınların üzərindədir. Əksər kişilər uşaqların bağçaya və məktəbə aparılmasında, bazarlıq və digər ev işlərində qadınlara qətiyyən köməklik göstərmirlər. Qadınlar tamamilə tək qalırlar. İşdən sonra onlar mətbəxdə saatlarla qalmalı olurlar. Evi səliqəyə salmaq, yemək hazırlamaq, uşaqların təhsili və gigiyenası ilə maraqlanmaq qadınların üzərində qalır. Buna görə də verilən təklif təqdirəlayiqdir. Çalışan bir qadın kimi bu təklifi alqışlayıram. Ümidvaram ki, bütün işləyən qadınlar bu təklifi bəyənəcəklər. Bu təklif olaraq qalmamalı və həyata keçirilməlidir".

Telegramda izləyin

instagramda izləyin