CeyLo ilə Benin boşanmasına ən çox o sevinir

Müğənni Cennifer Lopeslə aktyor Ben Afflekin boşanması ilə bağlı xəbərlər gündəmdən düşmür.

Axşam.az xəbər verir ki, insayderlər Benin keçmiş xanımı Cennifer Qarnerlə bağlı yeni iddialar ortaya atıb.

Əvvəllər Lopesin Beni Qarnerə qısqandığı, onunla görüşməsini istəmədiyi iddiaları öz əksini tapmasa da bu dəfə fərqli məlumatlar yayılıb.

"Life & Style" portalı yazıb ki, Qarner keçmiş ərinin arvadından boşanmasına sevinir. Nəşrin anonim həmsöhbətinin sözlərinə görə, Cennifer indi Lopesdən ayrıldıqdan sonra Benə həyatını planlamağa kömək etmək üçün əlindən gələni edir. O, hətta tez-tez Affleklə görüşüb, ona təsəlli verməyə çalışıb.

Üstəlik, mənbə Qarnerin yalnız Afflekin xatirinə J.Lo ilə əlaqə saxladığını bildirib.

Telegramda izləyin