Aylar sonra həbsxanadan məktub paylaşdı

Çirkli pulların yuyulması və vergidən yayınma kimi bir sıra ittihamlarla həbs olunan türkiyəli sosial media fenomeni Dilan Polatın həyat yoldaşı Engin Polat həbsxanadan məktub paylaşıb.

Axşam.az xəbər verir ki, o, məktubda xanımının vəziyyətinin yaxşı olmadığı yazıb. Təxminən 9 aya yaxındır həbsxanada saxlanılan Engin Polat ilk dəfə susqunluğunu pozub.

Polat vəkilləri vasitəsilə sosial media hesabından verdiyi açıqlamada onlara böhtan atıldığını, onlara qarşı irəli sürülən ittihamların dəlilsiz olduğunu bildirib:

"Həyat yoldaşım Dilanın bu qanunsuzluğa dözməyə gücü qalmayıb. Bütün günah sizin boynunuza olacaq. Bir sözlə, sui-qəsd, qanunsuz istintaq. Elə bil dağ siçan dünyaya gətirib".

Xatırladaq ki, bir müddət öncə Dilanla həyat yoldaşı Engin Polatın əmlakları müsadirə olunaraq ölkədən çıxışına qadağa qoyulmuşdu. Bundan əlavə, onların birinci və ikincidərəcəli qohumlarının da əmlakı müsadirə edilmişdi. Eyni zamanda, bir çox gözəllik mərkəzi olan Dilan və Enginin vergi borcları olduğu bildirilir. Cinayət törətmək məqsədi ilə təşkilat yaratmaq, çirkli pulların yuyulması və vergi qanunlarını pozmaq cinayətləri ilə barələrində həbs qərarı çıxarılan Dilan və Engin Polat cütlüyünə qarşı keçirilən əməliyyatda 17 şübhəli saxlanılıb.

Telegramda izləyin