İllər əvvəl Laçında ilk səs verənlərdən biri olub: 65 il sonra yenidən...- VİDEO

Növbədənkənar parlament seçkilərində iştirak edəcək ən yaşlı sakinlərdən biri də Sücahət xanımdır. Onun 83 yaşı var. Onun seçkilərdə iştirakı üçün bildirişi təqdim olunub.

Sonxeber.az xəbər verir ki, bildirişini illərin zəhməti ilə qırışan əllərinə alan Sücahət xanım "Aztv Xəbər"ə danışıb. 32 ilin həsrəti ağaran saçlarında, uzun-uzadı baxan baxışlarında görünür. Topağına qovuşan nənənin simasında olan xoşbəxtliyi hər halından sezilir. Sücahət nənə Laçının ilk seçicilərindən olub:

"Mən 18 yaşımda Laçında ilk səs verənlərdən olmuşam. O vaxtı Laçın şəhərinin mərkəzi Leninin heykəli olan yer idi. Mən səsimi orada vermişəm. Günlərim çox xoş olub. Bu evdə toy etməmişik. Uşaqlarım o zaman tələbə idi. Amma mümkün olmadı və köçkün olduq. Bu evi yavaş-yavaş tikmişik. Biz 1966-cı ildə ailə qurmuşuq. Bu illəri mən prezident seçkilərində Laçında iştirak etdim. Sevdiyim namizədimə səs verdim. Bugünkü seçkini öz evimdə qarşılayacam.

Sücahət Əliyeva səsini elə yaşadığı Laçın şəhərində-106 saylı seçki məntəqəsində verəcək.

Ətraflı "Aztv Xəbər"in süjetində:

Telegramda izləyin