Niyə internetdə Azərbaycan dilində məlumat qıtlığı var? - AÇIQLAMA

Azərbaycanda internetdə Azərbaycan dilində məlumat qıtlığı var. Yəni, ağlımıza gələn bir sualın cavabını tapmaq üçün xarici dillərdən istifadə etməli oluruq. Çünki Azərbaycan dilində informasiya azdır. Bəs görəsən bunun səbəbi nədir ?

Mövzu ilə bağlı Sonxeber.az- a açıqlama verən ictimai və mədəniyyət xadimi Aydınxan Əbilov bildirib ki, buna səbəb ölkədə informasiya istehsal edə biləcək insanların az olmasıdır:

"Biz informasiya istehsal edə bilmirik. Bunu edən insan çox azdır. 10 il əvvəl ABŞ, Avstraliya, Kanada kimi ölkələr internetin intellektual resurslarını inkişaf etdirmək üçün 10 milyard vəsait ayırmışdılar. Azərbaycanda da Nəqliyyat və Yüksəsk Texnologiylar Nazirliyinin nəzdində internet fondu var. O fonda dövlət pul ayırdı və həmin pulları fondun işçiləri öz tanışları, dostları üçün qrand layihələrə xərclədilər. Həmin qrand layihələr yalnız konversiya xarakterli kiçik tətbiqlərin hazırlanması və çox mənasız milli sosial şəbəbkələrin yaradılması ilə bağlı idi. Onların da heç bir məntiqi nəticəsi olmadı. Mənasız yerə ayrılan pullar getdi. Dünyanın heç bir yerində milli sosial şəbəbkələr yoxdur. Bu çox absurd birşeydir. Heç kəsə maraqlı olmayan bir layihədir. Digər tərəfdən bunun obyektiv səbbələri də var. Niyə Elm və Təhsil Nazirliyi bununla əlaqədar işlər görmür ? Niyə hər il milyonlarla pul ayrılan Milli Kitabxana bununla bağlı bir addım atmır ? Niyə Milli Elmlər Akademiyası bununla bağlı bir tədbir həyata keçirmir ? Bu yaxınlarda şəhidlərlə bağlı məlumatların silinməsi zamanı biz anladıq ki, Milli Elmlər Akademiyasında oturanlar nəsə xoşlarına gəlməyəndə istədiklərini pozurlar. Buna səbəb dövlət nəzarətinin olmamasıdır. Bu problemlə bağlı layihələr elan edilmir".

Problemin həlli üçün hansı addımlar atılmalıdır ?

"Düşünürəm ki, Prezidentin yanında internetin inkişafı ilə bağlı şura yaradılmalıdır. O şuranı nazirlər və ya maraqlı tərəflər yox, sırf intelllektual, çıxarsız ziyalılar idarə etməlidir. Həmin şura Azərbaycandilli interneti inkişaf etdirməlidir. Təkcə yazılı deyil, ana dilində vizual və audiovizual materiallların yaradılmasına da ehtiyac var. Həmçinin bunun üçün müəllimlər, elm adamları, ziyalılar da addım atmalıdır. Mən Xəzər Universitetində dərs keçəndə vikipediyaya araşdırma xarakterli məqalələr yerləşdirən tələbələrə daha yüksək ballar yazırdım. Bu da onları Ana dilində araşdırmalar edib paylaşmağa həvəsləndirirdi".

Çiçək Sadatova

Telegramda izləyin