"Maksimum çalışmalıyıq ki, ahıllar ailə ortamında yaşasınlar və sosial xidmət məsələlərinə ehtiyac olmasın" - Üzeyir Şəfiyev

Tarixdə bu gün - Beynəlxalq Ahıllar Günüdür. BMT-nin Baş Məclisi tərəfindən 1992-ci ildə ahılların müdafiəsi ilə bağlı qəbul edilən Qətnaməyə əsasən hər il oktyabrın 1-i Beynəlxalq Ahıllar Günü kimi qeyd olunur. Ümummilli Lider Heydər Əliyev tərəfindən ahıllara, onların sosial müdafiəsinə göstərilən xüsusi diqqət və qayğının nəticəsi kimi Azərbaycanda 1993-cü ildən hər il Beynəlxalq Ahıllar Günü yüksək səviyyədə qeyd olunur.

Sözügedən günə özəl sosioloq Üzeyir Şəfiyev Sonxeber.az-a danışdı:

"Hər il bu gün BMT-nin qərarı ilə Beynəlxalq Ahıllar Günü kimi qeyd olunur. Beynəlxalq Ahıllar Günü həm də ona görə belə formada qeyd olunur ki, insanların diqqətini məhz ahılların problemləri, qayğıları cəlb etsin. Ümumiyyətlə ahılların sayı artır. Hazırda Azərbaycanda ahılların sayında artım dinamikası müşahidə olunur. Ölkəmizdə ahılların vəziyyətini yaxşılaşdırılması və sosial qayğı, dəstəklə əhatə olunması ilə bağlı dövlət tərəfindən müvafiq addımlar atılır, sosial dəstək proqramları tətbiq olunur. Ahıllar üçün sosial xidməti, sağlamlıq, reabilitasiya məsələləri, onların sağlam şəkildə ahıllıq yaşamağları üçün şəraitin yaxşılaşdırılması üçün müvafiq addımlar atılır".

Sosioloq açıqlamasında ahılların sosial xidmət müssisələrinə marağlarının artmağını müsbət tendensiya olmadığını da qeyd edib:

"Ümumiyyətlə cəmiyyətimizdə çox təəssüflər olsun ki, tendensiya bir qədər dəyişib. Əvvəllər ahıllar sosial xidmət müssisələrinə maraq göstərmirdilər. İndi daha çox maraq artıb. Nəzərə alsaq ki, Azərbaycan cəmiyyətində mürəkkəb ailələr daha çox üstünlük təşkil edibdir. Burada ahıllar daha çox nəvə, nəticələrlə birgə yaşayırdılar və onlarında qayğısına məhz övladları həssas münasibət göstərirdilər. Amma bu gün çox əfsusalar olsun ki, yaşlıların əksəriyyəti övladları ilə yaşamaq istəmir və sosial xidmət müəssisələrinə üz tuturdular. Hesab etmirəm ki, bu müsbət tendensiyadır. Bu bir tərəfdən dövlətimizin ahıllar üçün yaratdığı sosial xidmət müsissələrindəki konfortdan xəbər verirsə, digər tərəfdən hesab edirəm ki, bizim ailə dəyərlərimizdə bir qədər zəifləmə var. Çünki övladlar valideyinlərin qayğısına qalmalıdır və ahıllar da öz ailə ortamında rahat şəkildə yaşamalıdırlar. Ahılların sağlam, aktiv həyat tərzini təmin etmək üçün əlavə proqramlar da təmin etmək olar, bununla bağlı müvafiq qurumlar addımlar da atır. Ancaq maksimum çalışmaq lazımdır ki, ahıllar ailə ortamında yaşasınlar və sosial xidmət məsələlərinə ehtiyac olmasın".

Vüsalə İbrahimli

Telegramda izləyin