"Bir ananın bu qədər çarəsiz olması dözülməzdir" - Edis

Məşhur müğənni Edis sosial şəbəkədə son günlər baş verən dəhşətli hadisələrə münasibət bildirərək açıqlama verib. Vəhşicəsinə qətlə yetirilən Ayşenur və İkbalın ailələrinə başsağlığı verən Edis, baş verənlərin qəbuledilməz olduğunu vurğulayıb. Sənətçi cəmiyyəti sülhə, həmrəyliyə çağırıb.

Sonxeber.az xəbər verir ki, İstanbulun Fatih şəhərində Ayşenur və İkbal adlı iki gənc qadının vəhşicəsinə öldürülməsindən sonra məşhur müğənni Edis qadın qətlinə sərt reaksiya verib.

O, sosial mediada verdiyi açıqlamada qadın qətllərinə şəxsi yox, siyasi problem kimi yanaşmaq lazım olduğunu vurğulayıb.

Edis bu qətllərin cəmiyyətdə qadına qarşı şiddəti alovlandıran anlayışın nəticəsi olduğunu ifadə edərək, "Xahiş edirəm, qadın qətlini şəxsi məsələlər baxımından qiymətləndirməyin. Qadın qətli siyasi, sosial bir problemdir" dedi. O, açıqlamasında zorakılığa və ədliyyə sisteminin zəifliyindən ruhlanan günahkarların azadlığına yol açan bəyanatların bu vəziyyəti dəstəklədiyini  bildirib.

"Qadınlığ təhqir olaraq görən zehniyyət" deyən Edis, bu anlayışa xidmət edən media xadimlərinin və sosial media trollarının məsuliyyətini vurğuladı. Edis, "Bu bərabərlik şüurunun həyati bir zərurət deyil, daha çox elitist bir perspektiv və yad mədəniyyətlərin tətbiqi olması qəbuledilməzdir" dedi.

"Əvvəlcə özümüzü, sonra yazdıqlarımızı, daha sonra cəmiyyətdəki davranışlarımızı dəyişmədikcə, bu qətllərin vəhşiliyi artmağda davam edəcək" deyə xəbərdarlıq edən sənətçi cəmiyyətin bu mövzuda həssaslığının sosial media trendlərindən daha çoxuna çevrilməli olduğunu bildirib. Edis də hadisələr qarşısında keçirdiyi kədər və qəzəbi dilə gətirərək, "Bir ananın bu qədər çarəsiz olması dözülməzdir ki, kaş ki, vurulsaydı, yaralanmasaydı" dedi.

Vüsalə İbrahimli

Telegramda izləyin