Telefonda seçicilərlə danışdığını deyən Harris kameralara belə yaxalandı - VİDEO

ABŞ 47-ci prezidentini seçmək üçün sandıq başına gedərkən, Respublikaçılar Partiyasının namizədi Donald Tramp və Demokratların namizədi Kamala Harris də öz tərəfdarlarını heyran etmək üçün seçki günü boş qalmadılar. Kamala Harris bunun ən yaxşı nümunəsini göstərdi.

Sonxeber.az xarici mediaya istinadən xəbər verir ki, Kamala Harris seçki günü Demokratlar Partiyasının Milli Komitəsinin qərargahına qəfil səfər edib. Harris işçilərə seçki prosesində göstərdikləri səylərə görə təşəkkür edib və onlarla bir müddət söhbət edib. Daha sonra mərkəzə edilən bəzi zənglərə cavab verib.

Kameralar qarşısında cib telefonunda biri ilə görüntülü söhbət edən Harris qarşı tərəfə "necəsiniz, səs verdinizmi?" - deyə soruşdu. Aldığı cavabdan razı qalan Harris "İstifadə etdiniz, sağ olun" - deyib.

Otaq qəflətən alqış sədaları altında qalanda o, telefonu çevirdi ki, telefonun o biri ucundakı adam alqışları daha yaxşı duysun. Bununla belə, zəng ekranının deyil, ön kameranın açıq olduğu görülüb. Tramp tərəfdarları Harrisi dələduzluqda ittiham ediblər. Harrisin təşviqat qrupundan hələlik heç bir açıqlama yoxdur.

Vüsalə İbrahimli

Telegramda izləyin