94 yaşlı model barədə maraqlı faktlar

Amerikalı Karmen Del Orefici təkcə podiumlara deyil, həm də Ginnesin Rekordlar Kitabına öz damğasını vurub.

Sonxeber.az Lent.az-a istinadən xəbər verir ki, qadın ən uzun müddət podiumlarda qalmış model kimi tanınır.

İlk dəfə amerikalı qadın podiuma 1946-cı ildə çıxıb. O zaman Karmenin cəmi 16 yaşı vardı.

1947-ci ildə Del Oreficinin siması "Vogue" jurnalının üz qabığını bəzədi. Müvəffəqiyyətə baxmayaraq, o 30-dan yuxarı olanda podiumdan ayrılmaq qərarına gəlmişdi, tanınmış modeli yalnız nüfuzlu moda jurnallarının səhifələrində marka geyimlərin şəkilləri olan kataloqlarda görmək olardı.

1978-ci ildə, Karmenin 47 yaşı olanda, o, geri qayıtdı - yaşına və ağ saçlarına baxmayaraq, Vogue jurnalının üz qabığında hələ də seksual görünürdü.
1990-cı illərdə qadın Vudi Allen və Martin Skorsezenin filmlərində çəkilərək özünü aktrisa kimi sınadı.

Del 94 yaşında hələ də model fəaliyyətini davam etdirir.

Telegramda izləyin