Bu binalar yenidən təmir edilə bilər - AÇIQLAMA

Bakı və digər şəhərlərdə 200-dən çox bina qəzalı vəziyyətdədir. Sakinlər bu vəziyyətlə əlaqəli narahatlıqlarını tez-tez dilə gətirirlər.

Bəs görəsən qəzalı vəziyyətdə olan binalarla bağlı hansı tədbirlər görülməlidir?

Sosioloq Üzeyir Şəfiyev Sonxeber.az – a mövzu ilə bağlı açıqlama verib:

"Bununla bağlı müvafiq qurumlar qiymətləndirmə aparmalıdır. Bu vəziyyətdə olan binaların sakinlərini başqa yerlərə köçürmək lazımdır. Daha sonra həmin binaları sökülməli və sahibkarlara yenidən tikinti üçün verilməlidir. Sahibkarlar da həmin ərazidə sakinlərin mənzillərinin həcmində yeni evlər inşa etməlidir. Bundan sonra isə sakinlər yeni evlərinə köçürülməlidir. Bu, sahibkarla sakinlər arasında razılşama əsasında baş verməlidir. Hətta bəzən belə hallarda sahibkarlar sakinlərə bina tikilənə qədər yaşayacaqları mənzillər üçün kirayə haqqı verir. Binalar tikilir və sakinlər evlərinə qayıdır.
Ya da qəzalı vəziyyətdə olan binada yaşayan sakinlər müvafiq evlərə yerləşdirildikdən sonra həmin qəza halı aradan götürülür, sonra sakinlər geri qaytarılır.
Bununla bağlı Azərbaycanda kifayət qədər müsbət örnəklər var və bu örnəklər əsasında qəzalı vəziyyətdə olan bina sakinlərinin təhlükəsizliyi təmin olunmalıdır".

Çiçək Sadatova

Telegramda izləyin