"Repititor hazırlığı şagirdləri məktəb dərslərindən uzaqlaşdırır" - AÇIQLAMA

Bu gün həm şagirdllərin həm də valideyinlərin narahat olduğu məsələlərdən biri dərsdən əlavə repititor hazırlığıdır. Belə ki, valideyinlərin əksəriyyəti repititor hazırlıqlarının şagirdləri dərslərdən uzaqlaşdırdığını bildirir.

Bəs görəsən repititor hazırlıqları şagirdlərin məktəb dərslərinə necə təsir edir?

Mövzu ilə bağlı Sosial Tədqiqatlar Mərkəzinin sektor müdiri, təhsil tədqiqatçısı Elmin Nuri Sonxeber.az – a açıqlama verib:

"Bu məsələ uzun illərdir müzakirə olunur. Repititorluğun funksiyası dünya təcrübəsində biraz fərqlidir. Bir müəllimin öz xidmətini satması prosesinə repititorluq deyilir. Amma bizdəki repititorluq məktəbi ikinci plana salınır. Bunun səbəbi təəssüflər olsun ki, bizim təhsildə iki tədris proqramı fəaliyyət göstərir. Biri rəsmi, digəri qeyri-rəsmi. Rəsmi olan Elm və Təhsil Nazirliyinin təsdiq etdiyi ümumitəhsil müəssiələri üçün tədris proqramıdır. Qeyri-rəsmi olan isə Dövlət İmtahan Mərkəzinin qəbul sualları üçün düşünülmüş "qəbul proqramı"dır. Çünki, bunlar arasındakı fərq yerlə göy qədərdir.
Bizdə repititorlar məktəblər üçün nəzərdə tutulmuş vahid tədris proqramı ilə Dövlət İmtahan Mərkəzinin ali məktəbə qəbul imtahanı üçün təqdim etdiyi proqramın arasındakı uçurumu bilir. Buna görə də şagirdləri normalda öyrənilməli olan proqram əsasında deyil, qəbul imtahan suallarının tələb etdiyi istiqamətdə hazırlayırlar. Onlar bu yolla şagirdləri məktəbdən uzaqlaşdırırlar. Məktəb dərsləri vahid tədris proqramına uyğundur. Amma çox təəssüflər olsun ki, Dövlət İmtahan Mərkəzinin sualları tamam fərqli proqramın tələblərinə uyğun hazırlanıb. Bundan tam əmin ola bilərsiniz. Belə olan halda şagird təbii ki, dərslərdən uzaqlaşır. Çünki onun başqa seçimi, çıxış yolu qalmır"

Çiçək Sadatova

Telegramda izləyin