Məşhur model balkondan yıxılaraq dünyasını dəyişdi

Avstraliyalı DJ və model Kortni Mills Bali adasında istirahət edərkən faciəvi qəza nəticəsində dünyasını dəyişib.

Sonxeber.az xarici mediaya istinadən xəbər verir ki, dənizkənarı Kuta kurortunda qaldığı otelin eyvanından yıxılan model ağır yaralanıb. O dərhal xəstəxanaya çatdırılsa da, həkimlərin bütün müdaxilələrə baxmayaraq həyatını itirib.

Bacısı Mills haqqında "O, azad ruhlu və macəraçı bir insan idi" deyə açıqlama verib, anası Diane Mayne isə qızı haqqında "Gözəl, böyük ürəkli və şən idi. O, həyatı doya-doya yaşayırdı" ifadələrini işlədib.

Qeyd edək ki, Avstraliyanın tanınmış modellərindən biri olan Kortni Mills 37 yaşında idi.

Telegramda izləyin