Çingiz Qurbanov torpağa tapşırıldı - FOTO +YENİLƏNİB

Çingiz Qurbanovun nəşi Qusardadır

Ötən ilin dekabr ayında şəhid olan əsgər Qurbanov Çingiz Salman oğlunun nəşi Qusara gətirilib. İstiPress-in məlumatına görə, şəhid bu dəqiqələrdə rayonun Şəhidlər Xiyabanında torpağa tapşırılır.

Onu dəfn etmək üçün yüzlərlə insan küçələrə çıxıb. Nəşi əllərində bayraqlar tutan fəxri qaravul qarşılayıb.

Rayonda izdihamlı mərasim keçirilir. Müdafiə nazirliyinin nümayəndəsi Abdullah Qurbani, icra başçısı Şair Alxasov çıxış edib. Onlar şəhidin atasına belə cəsur övlad böyütdükləri üçün təşəkkür ediblər.
....

Ötən ilin dekabr ayında Azərbaycan-Ermənistan dövlət sərhədində düşmən təxribatının qarşısını alarkən şəhid olan və nəşi düşmən əlinə keçən əsgər Qurbanov Çingiz Salman oğlunun nəşi dəfn olunması üçün Qusara yola salınıb.

İstiPress-in şimal bölgəsi müxbirinin verdiyi məlumata görə, şəhidin cənazəsini gözləyən Qusarda dəfn üçün hazırlıq işləri başa çatıb.

Əsgər Çingiz Qurbanov erməni təxribatının qarşısını alarkən 2016-cı il dekabr ayının 29-da şəhid olub. Qarşı tərəf uzun müddət nəşi qaytarmaqdan boyun qaçırıb.

Müdafiə Nazirliyi tərəfindən həyata keçirilən müvafiq tədbirlər, ATƏT-in fəaliyyətdə olan sədrinin şəxsi nümayəndəsi səfir Anjey Kasprşik və Beynəlxalq Qızıl Xaç Komitəsinin vasitəçiliyi ilə hərbi qulluqçumuzun meyitinin geri alınması prosesi ötən gün Qazax rayonunun Bala Cəfərli kəndi istiqamətində baş tutub.

Bu gün Bakıda onunla vida mərasimi keçirilir.

Mənbə: istipress

Telegramda izləyin