16 yaşlı qız evdə başından güllələnmiş halda tapıldı

Türkiyənin Kocaeli vilayətinin Körfəz rayonunda 16 yaşlı qız uşağı evdə başından güllələnmiş vəziyyətdə aşkar edilib. Səhiyyə əməkdaşlarının bütün müdaxilələrinə baxmayaraq, yeniyetmə həyatını itirib.

Sonxeber.az türk mediasına istinadən xəbər verir ki, əldə edilən məlumata görə, 16 yaşlı A.C. ailə üzvləri tərəfindən evdə başından vurulmuş halda tapılıb.

Ailənin məlumatı əsasında hadisə yerinə təcili tibbi yardım və polis əməkdaşları cəlb olunub. Tibbi heyətin hadisə yerində göstərdiyi səylərə baxmayaraq, qız uşağının həyatını xilas etmək mümkün olmayıb.

Hadisə yerində aparılan baxışdan sonra mərhumun cənazəsi müayinə üçün Ədli Tibb Qurumunun morquna təhvil verilib. Polis faktla bağlı genişmiqyaslı araşdırmaya başlayıb.

Telegramda izləyin