30 yaşdan sonra bu 2 səbəbə görə özümüzü bədbəxt hiss edirik

30 yaşdan sonra insanlar niyə özlərini bədbəxt hiss edirlər. Psixoterapevtlər, həyatın ən çətin anlarında daxili sabitliyi və emosional rifahı qorumaq üçün özünə necə dəstək olmağın yollarını tövsiyə edirlər.

Mütəxəssislərin fikrincə, 30 yaşdan sonra xoşbəxtlik səviyyəsi bir sıra fizioloji və sosial amillərin təsiri altında əldəgedilməz ola bilər.

Bu əsas 2 səbəbi təqdim edirik:

Ən başlıca iki səbəb isə maliyyə çətinlikləri və sağlamlıq problemləridir. 30 yaşdan sonra insanların orqanizmində hormonal dəyişikliklər baş verir, metabolizm yavaşlayır. Bu isə həm ümumi sağlamlığa, həm də emosional vəziyyətə mənfi təsir edir. Digər tərəfdən, bu yaş dövrü insanın peşəkar və ailə öhdəlikləri, maliyyə sıxıntıları və digər stress doğuran faktorlarla qarşılaşdığı mərhələdir.

Mütəxəssislər bildirirlər ki, 35-40 yaş arasında bir çox insanlar "orta yaş böhranı" ilə üzləşirlər. Bu böhran insanı həyat məqsədlərinə, dəyərlərinə və yaşam tərzinə yenidən baxmağa məcbur edir. Artıq insan nə işindən, nə də əvvəl "ən yaxın dost" hesab etdiyi insanlarla münasibətlərdən zövq ala bilir. Psixoterapevtlərin izahına görə, məhz bu cür böhranlı dövrlərdə insan dəyişikliklərə tez uyğunlaşmağı öyrənməlidir, çünki bu dəyişikliklər çox vaxt stresslə müşayiət olunur. Mütəxəssislər vurğulayırlar ki, emosional dayanıqlığı inkişaf etdirmək və daxili tarazlığı qorumağın yollarını tapmaq vacibdir.

Emosional rifahı qorumaq üçün nə etməli?

Sağlam həyat tərzi sürmək

Mütəmadi idmanla məşğul olmaq

Sizi enerji ilə dolduran insanlarla ünsiyyətə daha çox vaxt ayırmaq

Bunlara əməl etdiyiniz təqdirdə, ən yüksək stres səviyyəsində belə emosional sabitliyi qorumaq və ümumi xoşbəxtlik hissini artırmaq mümkündür. /Lent.az

Telegramda izləyin