Bir mənzilin bir neçə şəxsə satılmasının qarşısını almağın hansı yolları var? - AÇIQLAMA

"Son 10 ildə təəssüflər olsun ki, bir çox vətəndaşlarımız yeni tikilmiş binalardan mənzil aldıqdan bir müddət sonra, həmin mənzillərin bir neçə şəxsə satılması ilə bağlı problemlə qarşılaşırlar. Son illərdə belə hallar kifayət qədər çoxdur. İlk növbədə onu qeyd etmək lazımdır ki, bu əməli törədən şəxslər Azərbaycan Respublikasının Cinayyət Məcəlləsinin 178-ci maddəsində nəzərdə tutulmuş əməli törətmiş olurlar. Yəni, dələduzluqla etmiş olurlar. Bu günə qədər statistik olaraq araşdırılsa, biz görərik ki, kifayyət qədər tikinti və satış işi ilə məşğul olan şəxslər mənzilləri bir neçə şəxsə satılmasına görə məsuliyyətə cəlb olunublar. Vətəndaşların özlərini belə haldan necə qorumaldır, sualına gəldikdə isə qeyd edim ki, praktikada bunu həyata keçirtmək olduqca çətin məsələdir. Çünki, bina tikən şirkət müraciət edən müştəri ilə daxil müqavilə bağlayır və bunun əsasında onun ödənişləri həyata keçirilir. Bu müqavilələr yalnız, həmin, mənzil tikinti kooperativinin daxili reyestridə qeydiyyatdan keçirilir".

Bunu Sonxeber.az-a hüquqşünas Ruslan Mustafayev danışıb.

O, açıqlamasında qeyd edib ki, vətəndaşlar artıq sınaqdan keçmiş, bir neçə kompleks inşa etmiş, satışını həyata keçirtmiş şirkətlərdən həmin mənzillərin alınmasını daha çox meyilli olmalıdılar:

"Təəssüflər olsun ki, bu müqavilələr dövlət orqanlarında qeydiyyatdan keçirilmir ki, onun izlənilməsi mümkün olsun. Belə olan təqdirdə vətəndaşların da mənzilin başqa şəxsə satılıb-satılmadığını araşdırması demək olar ki, mümkünsüzdür. Bu səbəbdən, hər hansısa praktik məsləhət vermək imkanında deyilik təəssüflər olsun ki. Həmçinin vətəndaşlar nəzərə almalıdır ki, çox zaman belə hallar sonradan müəyyən edilir və bundan sonra şikayətlər əsasında əməli törətmiş şəxslərə qarşı cinayyət işi başlanılır, onların işləri göndərilir məhkəməyə. Məhkəmə qanunvericiliyin tələblərinə uyğun olaraq müvafiq qərarı qəbul edir. Burada ikinci məsələ dəymiş ziyanla bağlı olan məsələdir ki, vətəndaş mənzilə alan zaman kifayyət qədər böyük məbləğdə ödənişlər etmiş olur. Hansı ki, sonradan onun geri qaytarılması olduqca çətin bir prosesə dönüşür. Yəni, həmin şəxslər bir çox hallarda həbs edilsələr də, barələrində hökm qəbul olunsa da, cəza verilsə də vətəndaşlar dəymiş ziyanları geri qaytarmağa maraq göstərmirlər. Bunlara bəzi hallarda imkanları olmur. Hətta, imkanları olduğu təqdirdə belə bunu ödəməkdən yayınırlar. Belə olan təqdirdə vətəndaşlar çalışmalıdılar ki, artıq sınaqdan keçmiş, bir neçə kompleks inşa etmiş, satışını həyata keçirtmiş şirkətlərdən həmin mənzillərin alınmasını daha çox meyilli olmalıdılar, nəyinki, bu prosesə yeni qoşulmuş şirkətlərdən. Əks təqdirdə qeyd etdiyimiz problemlə qarşlaşma ehtimalları daha çox olacaq. Vətəndaşlar, ancaq, bu formada özlərini qorumaq imkanına malikdilər".

Vüsalə İbrahimli

Telegramda izləyin