Ayaqların soyuq olması nə dərəcədə təhlükəlidir? - Həkimdən XƏBƏRDARLIQ

Ayaqlarda ağırlıq hissi və pəncələrin soyuq olması damarların varikoz genişlənməsinin erkən əlamətləri ola bilər.

Oxu.Az xəbər verir ki, bununla bağlı böyük bir araşdırmada "Open Heart" jurnalında dərc edilib.

Qeyd olunur ki, bu simptomlar xəstəliyin mövcud olması ehtimalını əhəmiyyətli dərəcədə artırır.

Tədqiqatın nəticələri göstərib ki, soyuğa qarşı güclü həssaslıqdan şikayət edənlər arasında 14%-dən çox hallarda damarların varikoz genişlənməsi müşahidə olunub - bu, belə şikayətləri olmayanlarla müqayisədə üç dəfə çoxdur.

Bundan əlavə, ayaqlarda ağırlıq hissi olan insanlarda damarların varikoz genişlənməsi inkişafı ehtimalı dörd dəfə çox rast gəlinib. Bu iki simptom birləşdirildikdə isə damarların varikoz genişlənməsi ehtimalı iki dəfədən çox artıb.

Təhlil həmçinin müəyyən edib ki, uzun müddət ayaq üstə durmaq tələb olunan işlərdə işləyən insanlarda damarların varikoz genişlənməsi riski 45% daha yüksək olub.

Tədqiqat müşahidə xarakteri daşısa da, səbəb-nəticə əlaqəsini sübut etməsə də, onun müəllifləri həkimləri xəstələrin erkən və subyektiv şikayətlərinə daha çox diqqət yetirməyə çağırır. Ayaqların soyuğa qarşı həssaslıq və ağırlıq hissi çox vaxt nəzərə alınmır, baxmayaraq ki, onlar gizli xəstəliyə işarə edə bilər.

Telegramda izləyin