Seda Sayan-ın 1,5 milyonluq aylıq gəliri: Müğənni mal varlığı ilə gündəmdə

Səhnədəki uğurları, şəxsi həyatındakı cəsarətli addımları ilə tez-tez medianın diqqətində olan məşhur türkiyəli sənətçi Seda Sayan bu dəfə var-dövləti ilə gündəmə gəlib.

Sonxeber.az türk mediasına istinadən xəbər verir ki, İstanbul, London, Mayami və Bodrumda çoxsaylı daşınmaz əmlaka sahib olan sənətçinin aylıq icarə gəliri 1,5 milyon TL-yə yaxınlaşır.

Əsl adı Aysel Gürsaçər olan Seda Sayan, musiqidən televiziya ekranlarına uzanan çoxşaxəli karyerası ilə uzun illərdir medianın diqqət mərkəzindədir. Müğənnilik, aparıcılıq və aktrisalığı bir arada aparan nadir sənətçilərdən olan Sayan, həm səhnə performansları, həm də şəxsi həyatı ilə daim manşetlərə çıxıb. O, yeddi dəfə nikah masasına oturaraq Türkiyə şou-biznes tarixində iz qoyan simalardan biridir. Sonuncu dəfə 2022-ci ildə özündən 25 yaş kiçik musiqiçi Çağlar Ökten ilə ailə quran sənətçi bu münasibəti "yedinci dəfə tamam" sözləri ilə ifadə etmişdi.

Əmlak portfeli təkcə Türkiyə ilə məhdudlaşmır. İngiltərənin paytaxtı London və ABŞ-ın məşhur şəhərlərindən olan Mayamidə də evlərə sahib olduğu deyilən Sayan-ın, Bodrumda isə 3 lüks villası var. İllərdir qazancını daşınmaz əmlaka yatıran Seda Sayan, maliyyə baxımından da ən uğurlu sənətçilərdən biri hesab olunur.

Telegramda izləyin