Danla Biliçi döyən keçmiş sevgilisi haqqında həbs tələbi

Sosial media fenomeni Danla Bilici (əsl adı Neslihan Damla Aktepe) ni kafenin içində başına və çənəsinə yumruq vuraraq döydüyü iddia edilən keçmiş sevgilisi Berk Çetin barəsində 1 il 6 aya qədər həbs tələbi ilə cinayət işi açılıb.

Sonxeber.az türk mediasına istinadən xəbər verir ki, İstanbul Cumhuriyyət Baş Prokurorluğu tərəfindən hazırlanan ittiham aktında qeyd olunur ki, zərərçəkən Danla Biliç hadisədən sonra polisə müraciət edərək, Berk Çetinin əvvəllər də ona zor tətbiq etdiyini bildirib. Bu səbəbdən ayrıca bir istintaqın davam etdiyi vurğulanıb.

Danla Bilicin ifadəsinə görə, hadisə günü kafedə oturduğu yerdə Berk Çetin yanına gəlib. Masadan qalxdığı anda Çetin onun başına və çənəsinə yumruq vurub. Onun qışqırması ilə kafenin işçiləri hadisəyə müdaxilə edib və sonra Biliç Çetindən şikayətçi olub.

Berk Çetin ifadəsində, həmin gün əsəblə Danlanı sadəcə itələdiyini, yumruq vurmadığını iddia etsə də, təhlükəsizlik kamerası görüntülərində onun qadının başına və üzünə vurduğu müəyyən edilib. Məhkəmə-Tibbi Ekspertiza rəyi yaralanmanın sadə tibbi müdaxilə ilə sağala biləcəyini göstərib.

İttiham aktında hadisənin barışıqla həll oluna biləcək kateqoriyaya daxil olduğu, lakin tərəflərin uzlaşmadığı qeyd edilib. Prokurorluq Berk Çetinin "qadına qarşı sadə xəsarət yetirmə" maddəsi ilə 9 aydan 1 il 6 aya qədər həbs cəzası ilə cəzalandırılmasını tələb edib. Məhkəmə prosesi yaxın günlərdə İstanbul Asliye Cəza Məhkəməsində başlayacaq.

Telegramda izləyin