Hadisə "Nicki Minaj axımı"na qatıldı: Sosial mediada gündəm oldu

Türk pop musiqisinin güclü səsi Hadisə, təkcə mahnıları ilə deyil, sosial şəbəkədəki paylaşımları ilə də diqqət mərkəzində qalır.

Sonxeber.az türk mediasına istinadən xəbər verir ki, son dövrlərdə səhnə arxasından etdiyi paylaşımlarla izləyiciləri ilə daha sıx ünsiyyət quran müğənni bu dəfə "Nicki Minaj axımı"na qoşularaq gündəm olub.

Kuşadası və Antalyadakı konsertlərində minlərlə pərəstişkarı ilə bir araya gələn Hadisə, möhtəşəm çıxışlarından sonra komandasına təşəkkür edərək, "Çox darıxmışdım! Kuşadası və Antalya möhtəşəm idiniz, sizi çox sevirəm" mesajını paylaşıb. Lakin sənətçinin əsas sürprizi az sonra gəlib.

Hadisə "Instagram" hesabından etdiyi paylaşımda "Nicki Minaj axımı"na qoşulduğunu elan edib. Qızılı rəngli payetli libası və diqqətçəkən çəkmələri ilə kamera qarşısına keçən sənətçi, masanın üzərinə oturaraq verdiyi poza üçün "Meydan oxuma qəbul edildi" sözlərini yazıb.

Qısa müddətdə minlərlə reaksiya alan paylaşım izləyicilər arasında müxtəlif rəylərə səbəb olub. Bir qrup pərəstişkar müğənnini "Kraliça həm səhnədə, həm də sosial mediada bir nömrədir", "Bu poza əfsanədir" və "Enerjin tükənmir, pozların da mahnıların qədər güclüdür" kimi şərhlərlə dəstəkləyib.

Digər izləyicilər isə paylaşımı tənqid ediblər: "Artıq mahnılarından çox pozalarınla gündəmə gəlirsən", "Masaya çıxmaq xoş hərəkət olmayıb" və "Bu cür paylaşımlar sənətçi kimliyini kölgədə qoyur" kimi rəylər ön plana çıxıb.

Telegramda izləyin