"Laçın rayonunun işğaldan azad olunması tarixi hadisədir" - DEPUTAT

"Laçın rayonunun işğaldan azad olunması tarixi hadisədir. Dövlətimiz dekabrın 1-də Ermənistanın işğalı altındakı Laçın rayonunu geri qaytardı. Azərbaycan Ermənistan qoşunlarını və qanunsuz məskunlaşan erməniləri sayca yeddinci rayondan çıxarmaqla Dağlıq Qarabağ ətrafında işğala məruz qalmış bütün ərazilərinin azad edilməsini başa çatdırdı".

Bu sözləri Sonxeber.az-a Milli Məclisin deputatı Müşfiq Cəfərov danışıb.

O, açıqlamasında qeyd edib ki, üçtərəfli bəyanata əsasən, Azərbaycan atəşkəsin elan edildiyi noyabrın 10-dan dekabrın 1-dək keçən 22 gün ərzində siyasi yolla daha əvvəl Ağdam və Kəlbəcəri azad etdi, sonra isə Laçın rayonunu nəzarəti altına keçirdi:

"Artıq Cənubi Qafqazda Azərbaycan yeni hərbi-siyasi reallıq yaradıb.Dağlıq Qarabağ ətrafındakı yeddi rayonu Azərbaycanın məhz özünün döyüşərək, hərbi-siyasi yolla geri alması möhtəşəm tarixi Qələbəmizin daha bir təntənəsi, düşmənin hərbi kapitulyasiyasının növbəti təsdiqidir.

Müzəffər Ali Baş Komandan, Prezident İlham Əliyevin qətiyyəti, hərbi qələbəni siyasi qələbəyə çevirən diplomatik məharəti nəticəsində Ağdam və Kəlbəcər kimi, Laçın rayonunun da qan tökülmədən, şəhid verilmədən geri qaytarılması tarixi hadisədir".

Vüsalə İbrahimli

Telegramda izləyin