İki ölkədən tarixi ittifaq: Putinin sualtı qayıqlarını izləyəcəklər

İngiltərə və Norveç Baltik dənizində tarixi hərbi ittifaq qurub. Məqsəd, bölgədəki kritik sualtı kabelləri qorumaq və Rusiyanın nüvə sualtı qayıqlarının fəaliyyətini izləməkdir.

Sonxeber.az xarici mediaya istinadən xəbər verir ki, məlumata görə, Rusiya "kölgə donanması" vasitəsilə Avropanın internet və enerji infrastrukturuna bağlı kritik kabelləri pozmaq cəhdləri göstərib. Son aylarda isə Rus nüvə sualtı qayıqlarının bölgədə fəallığı artıb. NATO bu hərəkətləri "Qərb infrastrukturuna qarşı ən aktiv təhdid" olaraq qiymətləndirib.

İttifaq çərçivəsində iki ölkənin ümumilikdə 13 gəmisi – bunlardan 8-i İngiltərə donanmasına aid olmaqla – Baltik dənizində daimi patrul xidmətinə başlayacaq. İngiltərə Baş Naziri Keir Starmer imzalanan razılaşmanı "tarixi" adlandırdı və dedi: "Bu, yeni bir dövrün başlanğıcıdır. Sahədəki hərbi gücümüz birliyimizdən gəlir".

Starmerin sözlərinə görə, Rusiyanın Avropa sahillərindəki mövcudluğu 30% artıb.

Telegramda izləyin