Əri itkin düşməsi ilə bağlı müraciət etmişdi: 18 yaşlı qadının meyiti boş mənzildə tapıldı

Türkiyənin Diyarbəkir şəhərinin mərkəzi Yenişehir rayonunda bir binanın boş mənzilində gənc qadına məxsus meyit aşkar edilib.

Sonxeber.az türk mediasına istinadən xəbər verir ki, hadisə Yenişehir rayonunun Fabrika məhəlləsində yerləşən yaşayış komplekslərindən birində qeydə alınıb. Binanın 8-ci mərtəbəsindəki boş mənzilə gələn mülk sahibi otaqlardan birində zibil torbasının içərisində qadın meyiti olduğunu görərək aidiyyəti qurumlara məlumat verib.

Dərhal hadisə yerinə polis və 112 Təcili Tibbi Yardım briqadaları cəlb olunub. Həkimlərin ilkin baxışı zamanı meyitin 18 yaşlı Sümeyyə D.-yə məxsus olduğu və onun həyatını itirdiyi müəyyən edilib.

Hadisə yerində aparılan araşdırmalardan sonra gənc qadının cənazəsi tibbi ekspertiza üçün Diyarbəkir Məhkəmə-Tibb İnstitutuna göndərilib.

Məlum olub ki, Sümeyyə D.-nin həyat yoldaşı bir gün əvvəl hüquq-mühafizə orqanlarına müraciət edərək onun itkin düşməsi barədə məlumat verib.

Polis hadisənin bütün detalları ilə bağlı istintaqı davam etdirir.

Telegramda izləyin