İranda etirazçılar 2 şəhərdə nəzarəti ələ keçirdi - VİDEO

İranın Abdanan şəhərində xalqın nəzarəti altına keçib. Melekşahda bütün rejim qüvvələrinin xalq tərəfindən şəhərdən qovulduğu bildirilib.

Milli.Az xarici mediaya istinadla xəbər verir ki, İranın İlam əyalətinin Abdanan şəhərində başlayan kütləvi etirazlar sürətlə bütün şəhərə yayılıb. On minlərlə insan Abdanan küçələrinə çıxaraq şəhər mərkəzinə doğru yürüş edib.

Yürüş zamanı Abdanan Polis Bölməsi və bir ordu anbarı xalqın nəzarəti altına keçib. Məlumata görə, polis bölməsi heç bir toqquşma olmadan ələ keçirilib. Bölmədəki polis əməkdaşlarının etirazçılara müdaxilə etmədiyi, bəzi əməkdaşların xalqla əməkdaşlıq etdiyi və bölməni xalqa təhvil verdikdən sonra ərazidən geri çəkildiyi məlum olub. Polis bölməsinin ələ keçirilməsindən sonra şəhərdə etirazlar bayram şənlikləri ilə davam edib.

Abdanandakı hadisələrə paralel olaraq, İlam əyalətinin Mələkşah şəhərində də əhəmiyyətli hadisələr baş verib. Bütün rejim qüvvələrinin xalq tərəfindən şəhərdən qovulduğu və Mələkşahın artıq onların nəzarəti altında olduğu bildirilib.

Telegramda izləyin