Ata və oğul bir gün fərqlə eyni xəstəlikdən dünyasını dəyişib - VİDEO

Türkiyənin Mardin vilayətinin Kızıltepe rayonunda beyin qanaması keçirən 80 yaşlı Mehmet Çiçek və onun 55 yaşlı oğlu Mahmut Çiçek müalicə aldıqları xəstəxanalarda bir gün fərqlə həyatını itiriblər.

Sonxeber.az türk mediasına istinadən xəbər verir ki, Eski Bahçelievler məhəlləsinin muxtarı olan Mehmet Çiçek beyin qanaması keçirdikdən sonra Kızıltepe Dövlət Xəstəxanasına yerləşdirilib. Bir müddət sonra oğlu Mahmut Çiçek də eyni diaqnozla Mardin Təhsil və Araşdırma Xəstəxanasına aparılıb.

Həkimlərin bütün səylərinə baxmayaraq, Mehmet Çiçek dünən axşam saatlarında vəfat edib. Onun oğlu Mahmut Çiçek isə bu gün səhər saatlarında dünyasını dəyişib.

Çiçek ailəsi bir gün ərzində iki ağır itki ilə üzləşib. Ata və oğuldan geriyə isə Mahmut Çiçekin atasını xəstəxanada ziyarət edərkən çəkdiyi bir fotoşəkil qalıb.

Telegramda izləyin