Son 30 ilin ƏN GÜCLÜ QARI! Binanın 4cü mərtəbəsinə çatdı - FOTOLAR

Rusiyanın Kamçatka bölgəsində günlərdir davam edən şiddətli qar fırtınası həyatı iflic edib. Qarın hündürlüyü bəzi yerlərdə 3 metri keçib, hətta binaların dördüncü mərtəbəsinə qədər ucalıb. Təbii fəlakət nəticəsində iki nəfər həyatını itirib.

Milli.Az xəbər verir ki, güclü qar yağışı və külək səbəbindən bölgədə fövqəladə vəziyyət elan olunub. Yollar tamamilə bağlanıb, nəqliyyatın hərəkəti dayanıb və bir çox kəndlərlə əlaqə kəsilib. Paytaxt Petropavlovsk-Kamçatski şəhərində məktəblər bağlanıb, ictimai nəqliyyat fəaliyyətini dayandırıb.

Havanın bir qədər isinməsi ilə damlarda toplanan nəhəng qar kütlələri sürüşərək insanların üzərinə düşüb. İki fərqli binanın damından düşən qarın altında qalan 60 və 63 yaşlı iki kişi dünyasını dəyişib. Səlahiyyətlilər vətəndaşları binaların yaxınlığında gəzməməyə çağırıb.

Rusiyanın Fövqəladə Hallar Nazirliyi qeyri-adi görüntülər paylaşıb. Evlərində sıxılıb qalan yaşlı insanlara kömək etmək üçün xilasedicilər hündürlüyü bir neçə metr olan qar yığınlarının içində tünellər qazmaq məcburiyyətində qalıblar.

Bölgənin Fövqəladə Hallar naziri Sergey Lebedev sakinləri ehtiyatlı olmağa çağırıb: "Temperatur yüksəldiyi üçün damlardakı nəhəng qar kütlələri sürüşməyə başlayıb. Lütfən, binaların yanından keçərkən başınızın üzərinə diqqət yetirin."

Telegramda izləyin