Həkimin cümə namazına getməsi xəstələr tərəfindən etiraza səbəb oldu - VİDEO

Terkiyədə cümə namazına getdiyi üçün bəzi xəstələrin etiraz etdiyi həkimə aid görüntülər sosial mediada geniş müzakirələrə səbəb olub.

Sonxeber.az türk mediasına istinadən xəbər verir ki, bəzi xəstələr növbə aldıqları halda həkimin cümə namazına getməsini qəbul etmədiklərini bildirərək, "Növbə alarkən həkim cüməyə gedə bilər deyə bir qeyd yoxdur, şikayət edəcəyəm" kimi fikirlər səsləndiriblər.

Sosial mediada yayılan görüntülər qısa zamanda gündəmə çevrilib. İstifadəçilərin bir qismi xəstələrin narazılığını haqlı sayaraq xəstə hüquqlarını önə çəkib, digər qismi isə həkimin dini ibadətini yerinə yetirməsinin təbii və qanuni haqq olduğunu müdafiə edib.

Mövzu ətrafında müzakirələr davam edir.

Telegramda izləyin