Hülya Avşarın filtrsiz halını görənlərin ağzı açıq qalır - VİDEO

Hülya Avşarın rol aldığı "Aynı Yağmur Altında" serialında səhnələrə tətbiq olunan güclü vizual filtr izləyicilərin narazılığına səbəb olub.

Sonxeber.az türk mediasına istinadən xəbər verir ki, yayımlanan səhnələrlə setdən paylaşılan təbii fotolar arasındakı açıq fərq qısa müddətdə sosial mediada mübahisə mövzusuna çevrilib.

Serialın ekran versiyasında Avşarın üz cizgilərinin xeyli yumşaldıldığı müşahidə olunub. Lakin çəkiliş meydançasından yayılan filtresiz görüntülər bu vizualın real görünüşü tam əks etdirmədiyini göstərib. Bir çox izləyici tətbiq edilən filtrin aktrisanın təbii görünüşünü həddindən artıq dəyişdirdiyini bildirib.

İstifadəçilərin bir qismi bu cür vizual müdaxiləni süni və lazımsız hesab etdiyini vurğulayıb. Digər tərəfdən, bəzi tamaşaçılar televiziya seriallarında belə görüntü düzəlişlərinin artıq adi hala çevrildiyini qeyd ediblər. Müzakirə qısa zamanda şou-biznes gündəminin əsas mövzularından birinə çevrilib.

Qeyd edək ki, Hülya Avşarın rol aldığı 2021-ci il istehsalı "Masumiyet" serialında da oxşar vizual effekt diqqət çəkmişdi. Həmin dövrdə yayımlanan bir bölümdə üz cizgilərinin nəzərəçarpacaq dərəcədə bulanıqlaşdırılması izləyicilər arasında geniş rezonans doğurmuşdu.

Telegramda izləyin