Dönərxanada at əti qalmaqalı: Monqol gəncin iddiası müzakirə yaradır - VİDEO

İstanbulda fəaliyyət göstərən dönərxanalardan birində at əti təqdim edildiyini iddia edən monqol gəncin açıqlamaları sosial şəbəkələrdə geniş müzakirələrə səbəb olub.

Sonxeber.az xəbər verir ki, mövzu ilə bağlı video paylaşan gənc bildirib ki, ətin dadından fərqli olduğunu anlayıb, lakin Türkiyədə at ətinin qadağan edildiyini bilməyib. Onun sözlərinə görə, məsələni soruşduqda müəssisə əməkdaşları at əti kəsildiyini etiraf ediblər.

"Dadından başa düşdüm, amma qadağan olduğunu bilmirdim. Yenidən istəyəndə "At kəsmişik, amma qadağandır. Heç kimə deməsən, yenə hazırlayarıq" dedilər", - deyə o bildirib.

Sözügedən iddialar qısa zamanda sosial mediada yayılıb. Bir çox istifadəçi məsələnin araşdırılmasının vacibliyini vurğulayıb.

Rəsmi qurumlar tərəfindən isə hələlik məsələ ilə bağlı açıqlama verilməyib.

Telegramda izləyin