Sefo imsak paylaşımı ilə gündəm oldu: "Günaha da girmiş ola bilərəm" - VİDEO

Türkiyəli müğənni Sefo imsak vaxtı sosial şəbəkədə paylaşdığı videolarla diqqət çəkib.

Sonxeber.az türk mediasına istinadən xəbər verir ki, sənətçi imsakda yeməyini həddindən artıq çox yediyini zarafatla nümayiş etdirib. O, paylaşımında "Əvvəl acın halından anlayacağıq deyə, mən elə bir yedim ki, bəlkə də günaha da girmiş ola bilərəm" sözlərini işlədib.

Bununla kifayətlənməyən ifaçı imsakın bitməsinə son 3 dəqiqə qalmış içdiyi çay, su və elektron siqaretlə bağlı başqa bir videonu da izləyiciləri ilə bölüşüb. Həmin görüntülər qısa müddətdə sosial şəbəkələrdə geniş yayılıb.

Sefonun paylaşımları bir çox istifadəçi tərəfindən yumorla qarşılansa da, bəzi sosial media istifadəçiləri onun imsak vaxtındakı davranışlarını tənqid ediblər. Şərhlərdə "Bir az ondan, bir az bundan", "Ölməyə çalışırsan?" və "Bu mənəm" kimi reaksiyalar yer alıb.

Məsələ sosial şəbəkələrdə müzakirə olunmağa davam edir.

Telegramda izləyin