Hülya Avşarın serialında donuz əti açıqlaması!

Hülya Avşarın baş rolunu oynadığı "Aynı Yağmur Altında" serialındakı donuz əti səhnəsi sosial mediada müzakirələrə səbəb olub.

Sonxeber.az türk mediasına istinadən xəbər verir ki, uzun müddət sonra ekranlara qayıdan Hülya Avşar, serialdakı həmin səhnə ilə bağlı tənqidlərin hədəfinə çevrilib. Bəzi istifadəçilər səhnəni dini inanc və yaşam tərzi həssaslıqları əsasında tənqid etsələr də, serialın prodüser şirkəti Baba Yapım mövzu ilə bağlı açıqlama yayıb.

Şirkət açıqlamasında səhnənin kontekstdən çıxarıldığını vurğulayıb. Bildirilib ki, bu səhnə inanc və ya həyat tərzi qarşıdurması deyil, əksinə "kibir ilə nəzakət arasındakı qədim mübarizənin müasir təsviridir". Açıqlamada səhnənin cəmiyyətin bölünməsinə xidmət etmədiyi, əksinə ictimai razılıq və ortaq əxlaqın əhəmiyyətini göstərdiyi qeyd olunub.

Telegramda izləyin