Elçin Hüseynov iftar süfrəsi təşkil etdi

Ötən gün müğənni Elçin Hüseynov rəhbəri olduğu "Halikarnas By Niel" Məkanında iftar süfrəsi təşkil edib. Ramazan ayının mənəvi ab-havasında baş tutan tədbir eyni zamanda məkanın yeni adı ilə fəaliyyətinin təqdimatı olub.
İftar süfrəsinə sənət aləminin tanınmış simaları, ictimaiyyət nümayəndələri və ziyalılar dəvət olunmuşdu. Tədbirdə həmçinin şəhid anaları, şəhid xanımları, qazilər və 8 saylı İnternat Tipli Sanator Məktəbin uşaqlar da iştirak edirdilər. Qonaqlar üçün ftar süfrəsi açılıb, Ramazan ayının ruhuna uyğun olaraq dualar oxunub.
Gecənin ən yaddaqalan anlarından biri isə xalq artisti Alim Qasımovun səhnəyə çıxaraq canlı şəkildə azan səsləndirməsi olub. Məkan daxilində səslənən azan iştirakçılar tərəfindən böyük ehtiramla qarşılanıb və tədbirə xüsusi mənəvi aura qatıb.
Səmimi atmosferdə keçən gecədə sənət adamları da səhnə alaraq ifalarını təqdim ediblər. Qonaqlar bir araya gələrək Ramazan ayı münasibətilə bir-birilərinə xoş arzularını çatdırıb, müğənni Elçin Hüseynovu həm məkanın fəaliyyəti, həm də təşkil olunan bu xeyirxah təşəbbüs münasibətilə təbrik edərək ona uğurlar arzulayıblar.
Beləliklə, iftar süfrəsi səmimi ünsiyyət, mənəvi birlik və xoş ovqat şəraitində davam edib və qonaqlar üçün yadda qalan bir axşama çevrilib.

Telegramda izləyin