Ramazan günündə heyvana qarşı qəddarlıq: Avtomobillə iti vurdu

Mübarək Ramazan günündə qeydə alınan görüntülər sosial şəbəkələrdə ciddi narazılıq doğurub.

Sonxeber.az türk mediasına istinadən xəbər verir ki, Türkiyənin Bolu şəhərində bir sürücünün avtomobili ilə yerdə uzanan itin üzərindən keçərək heyvanı bir müddət sürüməsi ciddi reaksiyalara səbəb olub. Hadisə anı ətrafdakı şəxslər tərəfindən lentə alınaraq yayılıb.

Məlumata görə, görüntülər yayıldıqdan sonra sürücü - M.D. jandarma əməkdaşları tərəfindən saxlanılıb. Yaralanan it isə bələdiyyə əməkdaşları tərəfindən müalicə altına alınıb.

Hadisə sosial mediada geniş müzakirələrə səbəb olub, istifadəçilər heyvanlara qarşı zorakılığa görə daha sərt tədbirlərin görülməsini tələb ediblər.

Telegramda izləyin