İti sığallamaq istəyən qadının sonu faicə ilə bitdi - VİDEO

Bir qadın Alabay iti ilə oynayarkən gözlənilmədən heyvanın hücumuna məruz qalıb.

Sonxeber.az xarici mediaya istinadən xəbər verir ki, hadisə qadının öz mobil telefonu ilə çəkdiyi görüntülərə saniyə-saniyə əks olunub.

Məlumata görə, qadın telefonla video çəkdiyi zaman Alabay cinsinə aid itini sığallamaq istəyib. Lakin bu anda it qəfil aqressivləşərək onun üzərinə atılıb.

Gözlənilməz hücumdan nə baş verdiyini anlamayan qadının qorxu dolu qışqırıqları kameraya düşüb. Görüntülərdə qadının itdən uzaqlaşmağa çalışdığı və kömək istədiyi anlar əks olunur.

Hadisədən sonra ətrafdakı insanların müdaxiləsi nəticəsində qadın itin hücumundan xilas edilib. Hücum zamanı qadının yüngül xəsarətlər aldığı bildirilir.

Sosial şəbəkələrdə sürətlə yayılan görüntülər iri cins itlərin davranış xüsusiyyətləri və onların təlim prosesi ilə bağlı müzakirələri yenidən gündəmə gətirib.

Telegramda izləyin