Davadan sonra ürəyi soyumayan gəlin qayınanasının evini yandırıb - VİDEO

Türkiyənin Manisa şəhərində ailədaxili mübahisə faciəyə çevrilə biləcək hadisə ilə nəticələnib.

Manisanın Şehzadələr rayonunun Turqut Özal məhəlləsində yerləşən yaşayış binasında gərgin anlar yaşanıb.

Sonxeber.az türk mediasına istinadən xəbər verir ki, 30 yaşlı A.F. adlı qadınla qayınanası və qayınatası arasında hələlik bilinməyən səbəbdən mübahisə baş verib.

Mübahisədən sonra tərəflər bir-birindən şikayətçi olmaq üçün polis bölməsinə üz tutub. İddialara görə, prosedurlar başa çatdıqdan sonra taksi ilə evə qayıdan A.F qayınanası və qayınatası hələ polis bölməsində olduğu vaxt mənzili qəsdən yandırıb.

Mənzildən qalxan alovları görən sakinlərin məlumatı əsasında hadisə yerinə yanğınsöndürmə, polis və təcili tibbi yardım briqadaları cəlb olunub. Yanğın xilasedicilərin müdaxiləsi nəticəsində söndürülüb, lakin evə ciddi ziyan dəyib.

Hadisədən sonra qaçan A.F.-nin saxlanılması istiqamətində polis tərəfindən axtarış tədbirləri davam etdirilir.

Telegramda izləyin