Boşanan qadının sözləri böyük müzakirələrə səbəb oldu - VİDEO

Boşandıqdan sonra 4 yaşlı övladı ilə tək yaşayan bir ana sosial mediada etdiyi paylaşımda qarşılaşdığı çətinlikləri dilə gətirərək diqqət çəkib. Ana uşaq baxımı ilə bağlı məsuliyyətin qeyri-bərabər bölüşdürülməsinə etiraz edib.

Sonxeber.az türk mediasına istinadən xəbər verir ki, paylaşımında keçmiş həyat yoldaşının həyatına daha rahat davam etdiyini bildirən ana, özünün isə hər səhər erkən saatlardan etibarən övladı ilə məşğul olmaq məcburiyyətində qaldığını deyib: "Səhər saat 07:30-da uşaqla birlikdə oyanıram".

Ana qeyd edib ki, keçmiş həyat yoldaşı ilin böyük hissəsində sərbəst şəkildə plan qura, dincələ və sosial həyatını davam etdirə bilir. Onun sözlərinə görə, öz həyatı isə tamamilə övladına fokuslanıb və bu vəziyyətin uzun illər davam edəcəyini vurğulayıb.

"Görəsən mən axmaq yerinə qoyuluram?" sözləri ilə diqqət çəkən paylaşım sosial şəbəkələrdə valideyn məsuliyyəti və boşanmadan sonra uşaq baxımının bölüşdürülməsi ilə bağlı müzakirələrə səbəb olub.

Telegramda izləyin