"Ay işığında" klassik estrada gecəsi - Moon Vibe-dan ilk konsept konsert

İlk dəfə "Ay işığında" konsepti ilə klassik estrada konserti keçiriləcək. Moon Vibe təşkilatçılığı ilə baş tutacaq bu xüsusi musiqi gecəsi tamaşaçılara ayın füsunkar ab-havasını hiss etdirməyi vəd edir.

Sonxeber.az türk mediasına istinadən xəbərverir ki, 11 aprel tarixində Kamera və Orqan Musiqisi Zalında təşkil olunacaq konsertdə Elgün & Sabina, Gramophone Band, Həbib Həbibov, Əli Zəfəroğlu və Rəcəb Əhmədov səhnəyə çıxaraq unikal ifaları ilə gecəyə rəng qatacaqlar.

Gecə boyunca səslənəcək klassik estrada nümunələri tamaşaçılara retro duyğular yaşadacaq, ay işığının sehrli atmosferi ilə musiqi harmoniyası bir araya gələcək. Xüsusi səhnə dekoru və konseptual yanaşma sayəsində iştirakçılar ayın parıltısını daha yaxından hiss edəcəklər.

Zamanı sanki dayandıran musiqilər, sakit və romantik aura, klassik estradanın ən gözəl nümunələri bu gecədə birləşəcək.

Qeyd edək ki, konsertin müddəti 60 dəqiqədir. Qapılar tədbirdən 15 dəqiqə əvvəl açılacaq və tamaşaçılardan yerlərini öncədən tutmaları xahiş olunur. Məkan əlil arabası istifadəçiləri üçün də əlçatandır.

Moon Vibe bütün musiqisevərləri bu unudulmaz konsert gecəsinə dəvət edir.

Telegramda izləyin