Mehmet Günsür həyat yoldaşı barədə: "Onunla hər gün yenidən evlənə bilərəm"

Türkiyəli məşhur aktyor Mehmet Günsür 20 illik evliliyi ilə bağlı səmimi fikirlərini bölüşüb.

Sonxeber.az xarici mediaya istinadən xəbər verir ki, Günsür brahim Selim-in "İbrahim Selim ile Bu Gece" proqramına qonaq olarkən şəxsi həyatı barədə açıqlamalar verib. O, həyat yoldaşı ilə münasibətinin güclü təməllər üzərində qurulduğunu bildirib: "Onu tapdığım üçün özümü çox şanslı hiss edirəm. Onunla hər gün yenidən evlənə bilərəm".

Günsür qeyd edib ki, evliliyin ən gözəl tərəfi komanda ola bilməkdir: əvvəl iki nəfər olduqlarını, indi isə beş nəfərlik bir ailəyə çevrildiklərini deyib.

Aktyor həmçinin münasibətlərdə qısqanclığa münasibətini də açıqlayıb. Onun sözlərinə görə, qısqanclıq çox vaxt reallığa deyil, ehtimallara əsaslanır və buna görə də lazımsızdır. O bildirib ki, əgər ortada xəyanət varsa, bu artıq qısqanclıq deyil, açıq şəkildə qəzəb hissidir.

Telegramda izləyin