"Sürücülük vəsiqəsi almağa zəkam çatmır"

Türkiyəli məşhur aktrisa Bahar Şahin qatıldığı proqramda səmimi açıqlamaları ilə gündəmə gəlib.

Sonxeber.az türk mediasına istinadən xəbər verir ki, aktrisa uğurlu karyerası ilə yanaşı, bu dəfə şəxsi həyatı ilə bağlı maraqlı bir detalı bölüşüb. Şahin sürücülük vəsiqəsi alma prosesində çətinliklər yaşadığını etiraf edərək, yazılı imtahandan dəfələrlə keçə bilmədiyini bildirib.

O, bu vəziyyəti zarafatla ifadə edərək "Sürücülük vəsiqəsi almağa zəkam çatmır" sözlərini işlədib. Aktrisanın bu açıqlaması qısa zamanda sosial şəbəkələrdə geniş müzakirələrə səbəb olub.

Bahar Şahin eyni zamanda imtahan prosesində yaşadığı çətinliklərdən, dəfələrlə cəhd etməsindən və bu müddətdə etdiyi taksi xərclərindən də danışıb. Onun səmimi etirafları izləyicilər tərəfindən maraqla qarşılanıb.

Telegramda izləyin